‘n Goeie Vrydag op Pikkie’s Geduld

Ons is in Kakamas in die Noord Kaap sowat 80km vanaf Upington. Dit was nie die plan om hier te wees nie – my vrou se ma is skielik oorlede nadat haar pa einde Desember op hulle huweliksherdenking oorlede is.  Haar pa was fisiek ‘n klein mannetjie vandaar die plaas se naam. Dit is dus nie ‘n klein bietjie geduld nie, maar Pikkie (Gideon) se geduld. Te midde van die hartseer van haar ouers se dood is dit ‘n sombere belewenis om te besef dat ons die plaas die laaste keer sien. Vanoggend het ek byvoorbeeld gekyk na die plek waar die skaapkraal was (die plaas is reeds ‘n paar jaar gelede verkoop en haar ouers het slegs verblyfreg gehad). Die skaapkraal bestaan nie meer nie,  daar is slegs ‘n hoop mis wat oorgebly het. Die skape kan nie terugkom na die kraal nie en die herder is nie meer daar nie.

sonsopkoms oor mishoop
Sonsopkoms oor Pikkie’s geduld met ‘n  sonstraal wat direk op die mishoop skyn.

Dit het my ook laat dink aan die plaas Kranskloof – geboorteplaas van my Pa, wat reeds in sewentigs verkoop is, nadat Abraham Johannes Joubert (my oupa waarna ek vernoem is) in Burgersdorp gaan aftree het.  Ek onthou nog vaagweg dele van die plaas. Die opstal wat nie meer in totaliteit gebruik is nie en waarvan sommige van die deure gesluit was. As kind het ek gewonder wat agter daardie deure verskuil is! Ek onthou ook die klipstapels in die veld, die “spruit” wat in die winter ‘n yslaag op gehad het, asook die kloof self met die kranse wat uittroon :”Kranskloof”. Vandag sal die kranse na alle waarskynlikheid nie meer so hoog uittroon nie want die Bee Gees bring die realiteit tuis in hul lied “First of May”:

When I was small, and Christmas trees were tall 

Maar ek onthou ook die ongelukkigheid wat die erflating veroorsaak het na die afsterwe van my oupa en later ouma (my pa se stiefma) in my pa se gemoed. Hulle  gesin was ‘n kombinasie van 2 eie broers en ‘n suster ‘n halwe broer asook ‘n stiefbroer.  Die ongelukkigheid het my herinner aan ‘n “Whats app status” boodskap van ‘n kollega by die werk:

Let your past make you better – not bitter

Vanoggend se diens het by bostaande aangesluit (of te wel my belewenis daarvan het). Dit was ‘n vergelyking van verse in die Ou Testament waarin die pasga ingestel is en hoe dit verwesenlik is in Jesus Christus. Die tema was die bloed van die Lam wat ons skoonwas. My belewenis van toe ek die vorige keer nagmaal gebruik het (blog – ONTKLONTING) is weer versterk:

Ek was besig om die wyn te drink toe die gedagte by my opkom dat soos wat die medikasie Wafarin die klonte uit my longe “was” sodat ek fisies kan lewe, so kom die bloed van Christus en was die klonte uit my verhouding met Hom sodat ek nie net weer onder die bewuswording kan kom dat ek ewig lewe nie, maar ook opnuut kan besef dat Jesus God is en ek Sy teenwoordigheid kan ervaar:

 How much more shall the blood of Christ, who through the eternal Spirit offered Himself without blemish to God, cleanse your conscience from dead works to serve the living God?          Hebrews 9: 14

Anders as op Pikkie’s Geduld was daar nog ‘n kraal en ‘n Herder vir my om na terug te keer en waar ek kon beleef dat:

Hy (Christus) het self ons sondes in sy liggaam aan die kruis gedra. Daardeur is ons vir die sonde dood en kan ons lewe in gehoorsaamheid aan die wil van God.  Deur Sy wonde is julle genees.  Julle (Abrie) het immers soos skape rondgedwaal, maar nou het julle teruggekom na julle Herder en Bewaker van julle lewe.  1 Petrus 2:24,25

Bostaande is ‘n aanhaling uit en toepassing van Jesaja 53 wat saam met die ander gedeeltes aantoon hoe wonderlik verweef die Ou en Nuwe Testament is en hoe dit heenwys na en vervul is in Jesus Christus. Dit was ook goed om te sien hoe my vrou die Here  hier langs my prys en ek het daaraan gedink hoe bly my pa was toe sy stiefbroer hom die vorige week gebel het. Daar is heling. Ek het geweet dat die verlede van ma Petro en  pa Gideon se dood ons better gaan maak – nie bitter nie.

Ons het die kinders wat baie moeg was na die vorige dag se ry, by die plaas laat bly maar ek het geweet dat ek goeie Vrydag met hulle gaan bespreek deur die lied van Ray Boltz as ‘n aansluitingspunt te gebruik. Dit gaan oor ‘n pa en sy 2 skinders wat ‘n lam bring om pasga te gaan vier in Jerusalem en die kinders kom juis saam om die lam op te pas “to watch the lamb”. Die laaste paar verse van lied word hieronder weergegee:

They led us to Golgotha
They drove nails,
Deep in His feet and hands,
And on the cross,
I heard him pray,
“Father, forgive them…”
Never have I seen such love
In any other eyes
“Into thy hands I commit my spirit,”
He prayed,
And then He died.
I stood for what seemed like years,
I lost all sense of time,
Then I felt these little hands
Holding onto mine
My children stood there weeping,
And I heard the oldest say
“Father please forgive us,
The lamb,
Ran away…
Daddy daddy,
What’ve we seen here,
There’s so much that we don’t understand,”
So I took them in my arms,
We turned and faced the cross
And I said
“Dear children
Watch the—– Lamb…

Kinders by Oranjerivier
Die plaas is geleë langs die Oranjerivier. Hierdie foto is geneem verlede jaar Julie toe ons daar gekuier het.

Die aand het ons as familie uit die Bybel gelees en saam gebid. My swaer se dogter, ‘n student in Bloemfontein, het my in die proses ook bekend gestel aan pragtige geestelike musiek van Lifehouse, Israel Houghton en Jake Hamilton.  Die verdeling van die besittings is ook bykans afgehandel (sonder konflik) en ek is die trotse besitter van ma Petro se grootdruk (ek word ouer 🙂 ) Bybel. Sy het verskeie opmerkings in haar Bybel geskryf en dit is amper soos om Bybelstudie saam met haar te doen. Ek weet dat die Heilige Gees, die Trooster by ons en spesifiek Susan, haar suster en haar broer is met vandag se begrafnis.

Ons dien ‘n wonderlike God wat met Sy dood en opstanding LEWE bring.

Advertisements

2 thoughts on “‘n Goeie Vrydag op Pikkie’s Geduld

Ek waardeer jou bydrae/ Please add to the conversation

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s