Marlothpark – aangrensend aan die Kruger

marlothpark
Goeie tye saam met die Hennings by Boskaros in Marlothpark

Marlothpark is 35km vanaf die Malelane hek van die Krugerwildtuin en 14km vanaf die Krokodilbrughek. Dit is omring deur die Krugerwildtuin en in die aande hoor mens dieselfde geluide as mense wat in die Krugerwildtuin bly. Dit is sekerlik die mnaaste ervaring as die Krugerwildtuin sonder om self binne te bly.

Die fotos hierbo en wat hier volg is of in Marlothpark self geneem of die kameralens het deur die grensdraad in die Kruger Wildtuin in gemik, maar alle fotos is vanuit Marlothpark geneem.  Die Koedoes hieronder het ek letterlik 20 meter vanwaar ons gebly het afgeneem en die kameelperd 50 meter. Die park self het verskeie diersoorte wat vry tussen die huise rondloop, wat kameelperde,  zebras, wildebeeste, rooibokke en vlakvarke insluit (die roofdiere was darem beperk – net ek).  Irisna en Elrike het koedoes en zebras met die hand gevoer, iets wat nie sommer in die regte wereld gebeur nie (hulle maak darem so nou en dan kos vir ‘n roofdier soos ek).

 Klik hier vir album: 75 fotos

In Marlothpark het Stef (Susan se neef) en Amalia ‘n vakansiehuis “Boskaros”. Hulle uitnodiging om daar te kom kuier het die konsep van die Mpumalanga/Kruger vakansie laat ontkiem.

Marlothpark kaart map

Hierdie skakel neem jou na Googlemaps vir presiese orientasie

marloth park

kudu Marloth koedoe

Dit was by Boskaros waar ek een oggend in ‘n hangmat gele het, rustig terwyl ek niemand pla nie. Maar toe het ‘n kameelperd jou wrintiewaar besluit om so 50 meter vanaf my die pad te kruis.  Ek was verplig om met groot moeite myself uit die hangmat te wikkel en fotos te gaan neem. Ai die lewe kan onregverdig wees! En toe het die kameelperd boonop die vermetelheid om met sy bolwangetjies (mond vol kos) vir my te vertel dit is ek wat hom pla – hoe ongeskik kan ‘n mens nou wees! Bly my kinders was nie naby om dit te sien nie.

kameelperd giraffe marloth
Wie pla vir wie

Soos genoem in Close Encounters of the Kruger kind was ons by Swartberg Country Manor (waarvan Stef en Amalia mede-eienaars is), toe hulle die uitnodiging gerig het. Dit is ‘n pragtige plek met heerlike kos in die restaurant Patat. Ek het ‘n paar fotos ingesluit in die blog van toe ons Desember daar gebly het.  Die Afrikaanse film Klein-Karoo is hier verfilm en dit wys maar net weer hoe uiteenlopend pragtig verskillende dele van ons land is.

www.swartbergcountrymanor.co.za

Advertisements

Ek waardeer jou bydrae/ Please add to the conversation

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s