Behou jou humorsin…

Drie dae gelede op ‘n radio insetsel genaamd “Lighten up and live” het Ken Davids (tans 69) die volgende staaltjie vertel (met die waarskuwing dat jy reg moet hoor en jou humorsin moet behou wanneer jy ouer word):

A man in his eighties isn’t feeling good and visits the doctor. The next week the doctor sees him at the mall with a much younger woman at his side.

Seems as if you are doing well?

I am just following your advice doctor

My advice!?

You said get a hot mama and be cheerful

I said you have a heart murmur, be careful!

***

Gister kom die bestuurder van een van die afdelings by die werk na my toe en vra of ek weet wat dit beteken (‘n opdrag vanaf ‘n 82 jarige kliënt):

REIT WBD — Sal u asb. die formule WBD op REIT toepas en my in kennis stel

Ek het ‘n sekere kennis van terminologie in die finansiële bedryf, maar nog ek, nog my goeie vriend Google weet wat die formule WBD is (alhoewel my vriend my inlig dat daar darem wel ‘n WBD Infant formula is). Ek besluit om hom te bel (die kliënt – nie my vriend nie).

Meneer X, ek wil net graag weet hoekom u die inligting soek. ‘n Helder, innemende en kraakvars stem (teenoor die krakerige stem wat mens sou verwag van ‘n persoon wat danksy ouderdom deurmekaar raak) antwoord: Julle het ‘n stelling gemaak wat ek nie verstaan het nie, toe besluit ek maar om ‘n stelling te maak wat julle nie sal verstaan nie 🙂 ! Ek het onmiddellik van hom gehou en hom ingelig dat ek na alle waarskynlikheid presies dieselfde sal doen wanneer ek afgetree is en dat sy klip in die bos my laat uitspring het. Hy het sy humorsin behou en saam het ons die akronieme ontsyfer.

Dit ‘n versugting dat ek my humorsin sal behou soos wat ek ouer word, al behou ek dit reeds nie altyd nie. Dit was byvoorbeeld nie snaaks toe ‘n prima stuk steak soos ek tekens van ouderdom begin toon het, aangesien ek 3 jaar gelede in die hospitaal opgeneem is weens groot en veelvuldige bloedklonte in my longe nie. Veral nie toe die helder fluorescent ligte 5 uur in die oggend aangesit word en die suster van Pathcare my wakker maak met die inspirerende woorde dat dat sy 9 buisies bloed moet trek nie. With more of the same die volgende oggend het ek darem al die vermoë gehad om met ‘n glimlag vir haar te sê: ek dog vampires hou nie van bright light nie… Hulle kon met die bloedtoetse vasstel dat ek ‘n baie gesonde persoon is – indien ek nie longe nodig gehad het nie.

Eendag voodat ek oud is gaan iemand (anders) nog een van my blogs reblog, maar in die afwesigheid daarvan gaan iemand (ekke) ‘n gedeelte van’n vorige blog reblog aangesien dit ‘n tong in kies kommentaar oor ouer word is. Wat die reblog van iemand anders aanbetref sal dit seker die kanse eksponensieel verbeter indien ek uitvind hoe om die reblog link in te bou!

Uitreksel uit Wherever I lay my hat is my home

“Jy wat hier lees kan geïnspireerd lewe, want jy raak elke jaar statisties minder oud. Sien dit is doodeenvoudig, wanneer ‘n babaseun 2 jaar oud word, het hy in sy tweede lewensjaar sy ouderdom verdubbel. Eenhonderd persent ouer in 1 jaar – spaar my dit! Wanneer ‘n man in die sogenaamde fleur van sy lewe 26 word het hy in daardie jaar 4% tot sy ouderdom bygevoeg. ‘n Jong man soos ek daarenteen wat hierdie jaar 46 raak voeg slegs 2.2% by my ouderdom toe. Mans in hulle twintigs raak dus baie vinniger oud!! Nie lank nie of hulle is ouer as ek…

Julle sal oplet dat ek slegs na mans verwys wat ouer word; ons almal weet dat vrouens nie ouer word nie. Ek het wel eenmaal gehoor dat sommige vrouens in hulle twintigs wel een of ander tyd 29 word. Hulle bly dan 29 totdat niemand dit meer glo nie en dan word hulle 39!”

Ek redeneer in my hat verder oor ouderdom, selfs oor vrouens se ouderdom! Continue reading →