Van Kilogramme tot mammogramme

Waar ek werk is daar jaarliks n “wellness week” waarin mens bombardeer word met gesondheidsbemarking. Hierdie boodskap wat in die badkamer teen die spieël geplak is, het my inspireer om onderstaande foto en bewoording vir die maatskappy te e-pos.

Don't quit

  • I have noticed the message DON’T QUIT has been placed in front of the toilets (on level 2 male bathroom anyway).  I am sure those suffering of constipation finds this message inspirational!!
  • However as it is wellness week I suggest you do not place this message in the smoking areas…

Tydens die Wellness weke kry werknemers die geleentheid om allerhande gesondheidstoetse gratis te laat doen, van Body Mass Index en cholesterol tot mammogramme en bloedtoetse vir PSA vlakke om moontlike kanker in die prostraat te indentifiseer.

My suster se skoonpa (in 70+ kategorie), wat ‘n kranige tennisspeler is, vertel dat hulle dubbels wou speel en kon aanvanklik nie ooreenkom wie teen wie gaan speel nie. Toe besluit hulle maar dat die met die prostate gaan speel teen die sonder die prostate!

Maar die week het bepaald ‘n ernstige kant ook. Die reël van so ‘n week verg sterk organisasie skills, die mammogramme word byboorbeeld gedoen in ‘n vragmotor wat spesiaal vir die doel ontwerp is en oral in Suid-Afrika in aanvraag is. Hierdie vragmotor saam met al die teentoonstellings en personeel vir toetsing, moet in dieselfde week gebeur. Die dame van menslike hulpbronne wat die week gereël het, is op ‘n manier beloon wat sy sekerlik nooit sou kon indink nie. Natuurlik waardeer mens positiewe terugvoer en aangesien dit oor mense se gesondheid gaan sou dit vir my besonders wees as ek dit gereël het en positiewe terugvoer kry. Baie keer stel mens hierdie toetse uit en die feit dat dit beskikbaar is by die werk skep die geleentheid om jou gesondheid te kontroleer (en dan is dit sommer ‘n brake van die werk ook!). Dit gaan dus nie net oor ‘n koste besparing nie.

Haar beloning is egter veel meer ingrypend en traumaties as dit. Sy het ook ‘n mammogram laat doen en borskanker is diagnoseer met ‘n gepaardgaande mastektomie! Ek is nie sinies wanneer ek praat van ‘n beloning nie. Dit het haar lewe gered. Sy het eintlik maar net haar werk gedoen. Maar ek ken haar – sy doen haar werk met passie en oortuiging, bewus daarvan dat dit ‘n verskil maak in ander se lewens.  Hierdie ingesteldheid het bepaald ‘n verskil in haar eie lewe gemaak. Mag ons almal leef in die wete dat ons ‘n verskil maak in ander se lewens en besef dat dit eintlik nie ironies is nie dat dit ook ‘n verskil in ons eie lewens maak.

DON’T QUIT!

Advertisements

2 thoughts on “Van Kilogramme tot mammogramme

  1. Ek het die storie van die prostrate geniet!! Humor gaan baie ver om die “don’t quit” ingesteldheid te bevorder. Humor is ook wat ‘n mens nodig het om deur so ‘n beproewing te kom en jou te laat besef dat jy eintlik ‘n waardevolle geskenk gekry het. Jy het dit sekerlik ondervind met jou mediese terugslae ook. Ek en Karen het vanoggend daaroor gesels – dit is moeilik vir albei van ons om hierdie storie weer op te rakel, maar terselfdertyd is ons dankbaar vir die uitkoms en sommige goeie herinneringe ook. Ja, daar was dinge waaroor ons lekker gelag het ook, by al die swaarkry. Hoe moeilik dit ookal is om daaroor te praat, sal ons voortgaan om die storie te vertel, want dit is nodig dat ander mense weet daar is hoop en / of berusting.

    Like

Ek waardeer jou bydrae/ Please add to the conversation

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s