Drie mal mans

Wanneer jy daardie ongemaklike ouderdom betree (in hierdie geval behardloop) wanneer jy nog nie oor die muur is nie (of dink jy is nie), doen jy partymaal dinge wat bevraagteken kan word in normale professionele geestesgesonde geselskap. Hierdie was so ‘n oomblik…

3 mal mans

Tydens ons kuier by Deluxe Coffeeworks. Dog’s Bollocks! wys  Danie vir my ‘n video en net daar besluit ek dit moet in cyberspace verewig word as ‘n waarskuwing vir ander mans om nie simpel te wees nie. (Video skakel onder aan blog).  Onderstaande is ‘n fragment (wou nog altyd dit gesê het) – nee ‘n uittreksel uit die baie lang Die Sport van mindere mans. Gaan lees daar wat alles dié naweek gebeur het…

Saterdagmiddag om en by 5 uur langs die Breederivier.  Ons het pas die kanos teen die wal vas ge-anker na voltooiing van  lewensbedreigende uitdagings soos die “Wall of death”. Geen kanos het eers omgeval nie, vreeslose deurwinterde, professionele, witwaterroeiers wat ons is. Ons as volwassenes het dus reeds almal bewys hoe vaardig, fiks en jonk ons is. Links van ons lê die Breede in sy breede glorie en regs van ons ‘n sandduin met ‘n skerp helling na bowe. ‘n Tasbaar ongewone omgewing wat pas by ons as  ongewone  mense (en veral pa’s).  Hierdie is die tipe plek waar Stanley sou gese het: “Dr. Livingstone I presume”. n Epiese plek van genoegdoening and a job well done.

Dit was dus heeltemal ontoepaslik dat anonieme tienerseun uitdagend teenoor anonieme vader daardie vier dubbele 3-letter frase kon gebruik: sal nie kan nie. Pa sal nie teen die sandduin kan uithardloop nie. Ek kon sommer sien dat die pa nie lus is om daar uit te hardloop nie (nie dat hy dit nie kan doen nie, hy kan dit uit die aard van die saak doen, hy is net nie lus daarvoor nie, want dit is nie ‘n uitdaging nie!).  Maar nou het sy liewe anonieme seun dit ten aanhoor van ander nie-anonieme pa’s gesê en sou hulle besef dat – die beweegrede vir sy onwilligheid die afwesigheid van ‘n uitdaging is?  Anonieme pa het die groen bal so gekyk wat op die water ronddobber (wat mindere mans en seuns na mekaar gegooi het) en hulle, hul klein wêreldjie beny.  Hy sal opsienende teen die hoogte moet uit…

Met die besluit geneem het ek belangstelling verloor en voortgegaan met die sport van mindere mans. Na ‘n wyle het ek Tarzan hoor gil/kreun/juig (wat doen Tarzan nou eintlik). Ek het momenteel my skool aardrykskunde leêrs afgestof en besef dat hierdie nie midde-Afrika is nie en dit dus nie Tarzan kan wees nie – my belangstelling was geprikkel! Op die kruin van genoemde heuwel was Danie (van verantwoordelik vir hierdie jaarlikse ekskursie-faam) besig met ‘n reëndans /oorlogsdans/ rieldans/ foxtrot/ salsa/volkspele (wel dit is moeilik omskryfbaar). Dit blyk toe te lyk dat hy voor genoemde anonieme seuns en pa, in daardie volgorde, daar aangekom het…

Danie se vreugde was onbeperk en sy dans choreografie meesterlik geïnspireer danksy rou oorwinningspassie (nie dat dit ‘n kompetisie was nie).  Buitendien die kompetisie het nie deelgeneem nie… Ek het so in my stilligheid gedink dat dit jammer is dat ek nie geweet het dat Danie daar gaan uithardloop nie en het in die ringting van spoedvark Wickus geknik. As ons 2 sou deelneem sou ek nie noodwendig eerste gewees het nie, maar Danie sou laaste gewees het. Ek ry immers gereeld bergfiets (waarin heuweltjies soos hierdie kaf gedraf/ry word) en ek speel gereeld muurbal. Dit sou helaas onregverdig wees om Danie uit te daag want hy het dit immers reeds gedoen en sou dus vol verskonings wees as hy nie wen nie…

Op een of ander manier het die moontlikheid van ‘n werklike resies deur “die manne” wel onder bespreking gekom en Danie (die sucker) het ingewillig om saam met my en Wickus daar uit te hardloop. Ek sou my net nie steur aan sy verskonings dat dit sy tweede keer is nie en hom aanvat oor sy swak oordeel om dan nou weer te hardloop (en wie wil nou swak oordeel hê?). Op pad na die duin het ek 2 mense hoor praat van ys koop maar my fokus was op die duin. Ons het toe wel daar uit gehardloop. Ek sou julle graag meer daarvan wou vertel maar die realiteit is dat daar nog baie ander dinge die naweek gebeur het en dit is nie die moeite werd om julle meer te vertel van ‘n paar mans wat hulle soos kinders gedra nie (veral hy wat hom die 2de keer soos kinders gedra)…

Nou goed laat ek dan tog iets sê voordat mense met kennis van programmering my blog delete. Sien toe ons wegspring stamp Danie (van kennis van programmering-faam) my onderstebo en hy trip Wickus wat onmiddellik voor hom was.  Nou goed, nou goed: die Waarheid sal ons vry maak. Danie: RESPEK. Jy het ons fair en square gewen al was dit die tweede keer wat jy daar uitgehardloop het.

Die realiteit is dat ek heeltyd 3de was (nee man nie laaste nie), dat spoedvark Wickus wel aanvanklik voor hom was, maar dat Danie hom ingehaal en verbygevat het (en toe sy dansende de ja vu Tarzan/volkspele act ad nauseam bo-op die heuwel gedoen het). Danie nou dat ek weer daarin dink, dit is darem hoogs onwaarskynlik: erken nou maar dat jy anaboliese steroide gebruik (vanaf Rusland)!!  Dit kan verklaar waarom jy by die heuwel afgerol het (en helaas het ons in solidariteit ook daar afgerol – nie omdat ons breins met steroide bevlek is nie). My hare was vol sand😦Nou goed ek het nie hare nie, maar as ek sê wat vol sand was sal die blog gesensor moet word!

Video van die DRIE MAL MANS  1 minuut 5 sekondes en daar is verrassing op einde!

Advertisements

6 thoughts on “Drie mal mans

    1. Dit was en regtig ‘n verassing dat Danie gewen het. Maar dan hy het ‘n swart belt in karate en daarmee saam gaan ‘n sekere standaard van oefening. Maar hy het ondertussen opgehou met karate en volgende jaar gaan ons weer Breederivier toe!!!

      Liked by 1 person

Ek waardeer jou bydrae/ Please add to the conversation

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s