Ek sou al verlede week die vrae en kompleksiteite aanspreek wat ontstaan het danksy die Tarentale se nes van 30 eiers op my erf in suburbia. Ek vermoed egter dat hierdie storie teen volgende week meer sinvol gaan wees en daarom staan dit oor.
Ek vertel eerder ‘n streslose storie (heeltemal stresloos – al wat mens moet seker van maak is om nie van die berg af te val nie – dus moenie op die rand van jou stoel sit nie…). Dit is eintlik ‘n comic, want ek lewer net chronologies kommentaar op die fotos. Deesdae word ‘n comic in ‘n ander formaat en met ‘n ver-edelde prys aangebied onder die literêr klinkende naam van grafiese novelle. Ek sou egter nie hierdie plotlose verhaal verhef tot ‘n aanlyn grafiese novelle nie. Hierdie is ‘n “Kom klim Tafelberg saam met my en ‘n paar vriende waarvan jy ook een is” verhaal. Ons is natuurlik comic heroes. Ten einde enige verwarring uit die weg te ruim, werp ek gou bietjie lig op die term: heroes soos in Superman, Batman, Spiderman, nie comic soos in komieklik nie…
7:20 vm. 14 Nov 2015 by Kloofnek parkeerterrein met Leeukop in die agtergrond. Die belangrike “before” foto. Wickus (die lang ou met die hoed) was vanoggend nog van sogenaamde ondergemiddele lengte, maar die opwinding van die stap wat voorlê, het hom skielik langer as die bo-gemiddelde lang Jacques gemaak.
Om by die bopunt van die berg te kom lyk intimiderend, maar die prag daarvan is inspirerend.
Vanaf die parkeerterrein by Kloofnek is die eerste kilometer of so nogal styl en ja mens voel dit.
50 shades of grey? Hierdie shades is in my opinie net soos Net Ek se versierings aansienlik sinvoller as die hyg-romans (en spaar ons maar eerder ‘n grafiese novelle weergawe van Net Ek se romans). Uitsig oor Kaapstad en die hawe.
As ‘n spreeu nie so algemene irritasie was nie, is ek seker hierdie raafswart dier, as ‘n mooi voël geag sou word. Hier word die kleur op die vlerk herhaal op die klipstapel halfpad teen die berg uit.
Wickus nou selfs langer as Leeukop! Stap doen dinge vir ‘n man.
Daar is darem ‘n bietjie opwinding. Hier moet daar sowat 25 meter teen ‘n min of meer 90 grade hoek (nou goed 88 grade) na bo geklouter word.
Dit is op hierdie punt (comic heroes wat ons is) wat ons die mense bejammer het wat ‘n kabelkar benodig om teen die berg uit te kom. En dit is op hierdie punt wat die mense in die kabelkar ons bejammer omdat ons nie genoeg geld het om kaartjies vir die kabelkar te koop nie… Sien ook: Look up to my lens Table mountain vir meer fotos van kabelkar en stasie
Die kameraderie om so tussen die rotswande in die pragtige natuur met die see boonop in sig, te stap, doen net eenvoudig iets vir die siel.
Die uitsig vanaf die punt waar Danie staan hierbo. Kampsbaai is een van die woongebiede in Suid Afrika met die duurste huise. Ek gun hierdie eienaars hulle huise en see-uitsig maar ek gun die bergstappers soos ons hierdie besonderse uitsig, wat verkry word selfs sonder om vir ‘n kabelkarkaartjie te betaal! Die realiteit is dayt jy nie hier kan kom via die kabelkar nie.
Dan is dit seker maar goed dat ons hier op gestap het (alhoewel ek verskeie kere o.a. saam met Danie al daar gedown het).
Hier het ek vir ‘n persoon van Oosterse afkoms in my beste Engels gevra om ‘n foto van ons te neem. Die persoon het ons in sy beste Afrikaans geantwoord! 17 jaar terug uit Japan emigreer en bly in Paarl. Tafelberg is so internasionaal soos die blogosphere. Ons het meer mense met Britse en Duitse aksente beleef as Suid Afrikaners.
Die 12 Apostels vanaf restuarant-area. Jou baie spiritualiteit word daaraan gemeet of jy weet watter 3 Petrus, Johannes en Jakobus is!
Daar is ‘n rede waarom Tafelberg, Tafelberg genoem word. 10 minute se stap van die kabelstasie en restaurant area. Ek beveel hulle cuppachino aan.
Hierdie foto is reg agter die plat deel hierbo geneem, Tafelberg se voorkant uit ‘n ongewone hoek. Met Duiwelspiek in die verte. Op die voorgrond tussen die 2 rotse is die gewildste en verveligste pad teen Tafelberg uit naamlik Platteklip Gorge.
Kaapstad met Blaauwbergstrand doer oorkant. Langs Seinheuwel is daar ‘n ovaalvormige voorwerp. ‘n Vlieënde piering wat geland het?
Nee Kaapstad stadion – maar dit illustreer wel die space age tegnologie van die optiese inzoem vermoë van hedendaagse kameras.
Op pad na Maclears Beacon met die restios wat welig groei, Vir enige area om as fynbos klassifiseer te word, moet 3 plantspesies aangetref word, naamlik restios, proteas en heide.
Maclears Beacon die hoogste punt op Tafelberg. 1 083m bo seespieël – by die kabelkar is dit 1 033m. Sowat ‘n halfuur se stap bo-op Tafelberg vanaf die restaurant area. Selfs as sou mens met die kabelkar kom beveel ek hierdie gelyk stap op die berg aan.
Vanaf Maclears Beacon is dit afdraende. Hierdie deel staan bekend as die Smuts track, Genl Jan Smuts het to amper is sy 80s hier opgestap na Maclearsbeacaon via Skeleton Gorge van Kirstenbosch. ‘n Grappie word gedeel – stap het geweldig baie te doen met grappies wat gedeel word.
Maar daar is ook tyd vir bepeinsing en waardering van die natuur. Vir meer fotos en inligting oor die damme en stoomlokomotief bo-op Tafelberg en die merkwaardige geskiedenis daarvan gaan na hierdie post van my Dam(n), I engineered a rarity!
Hierdie word nie aanbeveel wanneer die Kaapse dokter waai nie… Glo my ‘n unieke uitsig!
Die rotskonstruksie links voor en die ysterpenne aan die regterkant is deel van die oorspronklike kabelkar wat in 1899 (nie 1999) gebruik is om konstruksie middele teen die berg uit te bring. Sien Dam(n), I engineered a rarity! Ons is dan ook hier af ondertoe wat as die Kasteelpoort roete bekend staan
By Kasteelpoort af en 2 km vanaf ons motors of die Pipeline kontoerroete. Hierdie pype wat in die laat 1800s gebou is vervoer steeds water van die damme bo-op die berg na Kaapstad se waternetwerk.
Julle het gestap vanaf Kloofnek teen die India Venster roete op. En agter om die berg op Fountain ledge. Vandaar na die Kabelkar en weer terug tafel langs na Maclears Beacon en af met die Smuts Track na Hely Hutcinson en Woodhead damme. Vandaar ondertoe met Kasteelspoort en op die Pyplynroete terug tot by Kloofnek.
Dankie dit was heerlik om julle saam te hê!
Ek was skoon uitasem en stokflou. Dit geniet, dankie.
LikeLiked by 1 person
Bly jy het dit geniet! As ek ‘n lysie van my gunstelling posts moet maak sal hierdie ingesluit wees. Dit was ook een van die gunsteling stappe wat ek al gedoen het.
LikeLike
Asemrowende foto’s en besonderse kameraderie. Julle is vir seker helde! (Dalk moet jy ouens met hoogtevrees waarsku teen die “ontstellende” foto’s?)
LikeLiked by 1 person
Baie dankie.Maar ek het gewaarsku om nie op punt van stoel te sit nie 🙂
LikeLiked by 1 person
Moes nou eers weer gaan kyk – en kom toe agter ek het skoon bo-oor jou waarskuwing gelees!
LikeLiked by 1 person
Volgende keer gaan ek nie waarsku nie 😀. Wat jy wel raakgelees het die eerste keer is die deel oor die kameraderie. Ons praat nonsens op ons staptogte maar hierdie is actually diep gelowige seuns en mens praat ook oor dinge wat belangrik is.
LikeLiked by 1 person
Nou is ek sommer flou gestap hoor!
Dankie vir die deel, jou foto’s is darem vreeslik mooi. Stuur asseblief groete vir my berg! 😉
En ja, jou 50 shades foto is BAIE beter as enige ander!
LikeLiked by 1 person
Jou berg het gevra ek moet groete stuur vir jou 😉
LikeLiked by 1 person
Ek dink nou daaraan, iemand word volgende jaar 50 en Fifty shades of grey kon dalk tong in die kies titel vir outobiografie gewees het, verwysende na die grysheid van sy beperkte hare. Maar wat die jare aanbetref wil ek tog beweer dat die grys wat wat in enige van ons se lewens voorkom darem heelwat spatsels van vivid colours ook bevat.
LikeLiked by 1 person
Mmmmm, ek wonder nou so by myself wie is die iemand wat 50 word?!
😆
LikeLike
Pragtige foto’s,Abrie!Daardie klip met die man op,gee my egter Rysende nekhare!.Ek hoop nie sy familie sien dit nie..😳
LikeLiked by 2 people
Helaas kan daardie man op die klip nie rysende hare kry nie… Maar jy is reg as sy vrou by is gaan hy maar sukkel om op daardie klip te klim. Met sommige dinge is daar ‘n agreement to differ
LikeLiked by 1 person
Haha,manne doen soms gewaagde dinge as die vrouens nie by is nie!Gaan lees oor my eie sotlikheid op vandag se inskrywing!
LikeLiked by 1 person
Sal so maak👍
LikeLike
Dankie, Abrie, lekker saamgeklim en -gekuier. Jy het ‘n oog vir interessante jukstaposisies, soos die een van jou klim-erade by die kabelkar. Ek het Tafelberg nog nooit uitgeklim nie, net ‘n paar keer met die kabelkar uitgery en elke keer vir my self gesê dit gaan baie lekkerder, en baie, baie goedkoper, wees om hierdie berg te klim. Eendag gaan ek nog …
LikeLiked by 1 person
Ek wens as ek was meer tegnies met my fotos, maar ek dink jy het dit reg beskryf. Orals waar ek gaan en waar ek ry sien ek die omgewing in 3:4, die verhouding van ‘n standaardfoto. Ek dink my aanleg le in jukstaposisies (beindruk met jou woord) of dan die komposisie van ‘n foto.
Klim daardie berg! Jy sal nie spyt wees nie 🙂 en en doen enige tyd navraag by my oor watter roete. Het berg al uit enige windrigting geklim
LikeLiked by 1 person
Nou het ek vanoggend my stapskoene aangetrek en heerlik saam geklim. Dis werklik n besondere pos nie net oor die klim nie maar ook oor die kameraadskap tussen julle. Dis beslis voedsel vir die siel om so in die natuur te mag wees. Baie dankie vir die deel.
LikeLiked by 1 person
Baie dankie vir die saamklim. Ja die kaeraadskap is wonderlik, ‘n kameraadskap waor ook buite die stappery van toepassing is. Dit het al gebeur dat een van hierdie ouens hoor ek is af (en omgekeerd ek met een van hulle) en dan gaan drink ons koffie en gesels oor goed wat mens emosioneel raak maar ook praktiese aspekte daarvan.
LikeLike
Dit is wonderlik om sulke ondersteunende vriende te hê. Hul is jou steunpilaar en jy is hulle s’n.
LikeLiked by 1 person
Dit was nou ‘n lekker avontuur en ek is niks moeg nie! Dankie dat jy die klimwerk vir my gedoen het 😀 Die fotos is skitterend.
LikeLiked by 1 person
Dit was baie lekker dat jy saamgestap het Hester
LikeLiked by 1 person
Sjoe Abrie, nou het ek lekker gestap. Op my rusbank met ‘n bakkie roomys aan die lees… Maar ek onthou ‘n jong meisietjie wat baie jare gelede (toe ek nog natuurlike bruin hare gehad het), saam met ons Kerk se jongmense gaan bergklim het. Ons het Tafelberg vanaf Kirstenbosch geklim as ek reg onthou. Ai wat ‘n mens ook nie sal doen wanneer jy ‘n ogie het op een van die jeugleiers nie! Lol
LikeLiked by 1 person
😁 julle het Smuts track gedoen. Op met Skeleton Gorge na Maclears Beacon as julle tot daar geklim het. Ka mens is laf as jy jonk is
LikeLike
Nie dat ons nie meer jonk is nie uit die aard van die saak!!
LikeLike
Ek het maar net kom kyk of jy nie dalk verdwaal het op jou (eintlik MY) berg nie?
Jy is darem baie stil.
🙂
LikeLiked by 1 person
Gesels more
LikeLiked by 1 person
Dankie
LikeLiked by 1 person
Dit voel vir my ons het nou 2 dae se stap in een dag gedoen.
LikeLiked by 1 person
Ek was nog op skool toe ek by die bokbaaivygie gaan kuier het. Een dag het ons Tafelberg uitgeklim. Nie aan die Kabelspoor se kant. Onvergeetlike ervaring.
LikeLike
Wow wow wow! Sjoe jou fotos is pragtig en jou storie lees lekker! Ek was nog nooit op tafelberg nie maar het nou heerlik saam met jou gestap.
LikeLiked by 1 person
Danlie vir die saamstap jammer dat ek nou eers reageer. Daar is dinge wat my van die blog weerhou. Ek het egter reeds gister en in die verlede by jou hou van blou aan die griffels gaan kou. Die eerlikheid in jou belewenisse is prysenswaardig.
LikeLike
Ek was in daardie kabelkarretjie en het julle rêgtig jammer gekry…. dit is nou totdat ek die mooi fotos en lekker stap gesien het. Daar waar jy op die rots staan is nie vir sensitiewe kykers met mae wat draai nie.!!!!
LikeLiked by 1 person
Reblogged this on Wag 'n Bietjie.
LikeLiked by 1 person