Gegroet Toweropstal

Let wel hierdie is nie die laaste hoofstuk van die eboek Die Voortvlugtiges nie (alhoewel ek ‘n voëltjie hoor fluit het dat die pers nog moontlik na die laaste hoofstuk ons onder hande gaan neem).  Ek kon nog nie die krag en energie bymekaar skraap om die storie by sy natuurlike (of onnatuurlike) einde te bring nie. Maar aangesien daar al ‘n paar dae verloop het sedert die vorige hoofstuk (en ons eers na Paasnaweek gaan vlug – jammer)  voel ek verplig om darem van my te laat hoor.

Dus noem hierdie maar ‘n pre-epiloog. ‘n Epiloog wat gelewer word voordat die verhaal geëindig het. Dit is dalk die wêreld se eerste pre-epiloog maar dan dit sal maar net nog ‘n eerste wees vir Toweropstal en sy towerinne. Dus hierdie is Gegroet Toweropstal (deel 1).

Die opstal was aanvanklik bekend vir die bome wat verskyn en verdwyn het, soveel so dat ‘n beskuldige onskuldig verklaar is aangesien die getuienis wat gelei is die huis as 2 verskillende plekke omskryf het. Sien Scene of the crime

Om te Krimineel (en te alter ego) was op die stuitige Kameel(Camilla)  se bucket list, wat die idee by Hester laat posvat het dat die bloggers gaan misdaad (en ja ons het die daad dikwels gemis) en dat dit by Scene of the crime sou afspeel. Ek moes darem ‘n gepaste naam vir die plaas kry en wou dit aanvanklik Toorberg noem n.a.v.  Etienne van Heerden se boek.  By Toorberg gebeur vreemde dinge, maar nie naastenby so vreemd as wat by Toweropstal gebeur het nie. Ek sou ons te veel beperk het deur ons verhaal met so ‘n ligte skrywe soos Toorberg te assosieer.

Ek het nie die fotos geneem ten einde Scene of the crime te skryf nie.  Dit was danksy ‘n foto-uitdaging met die tema Variations on a theme wat die verhaal laat ontstaan het toe ek deur my fotos geblaai het met ‘n muis.  Ook ek het gewonder hoe dit moontlik is dat die bome op die een foto baie opsigtelik is en op die ander een glad nie. Ek het gaan Google Earth en dit het my genoop om die verklaring met julle te deel. In die oorspronklike skrywe beweer ek die volgende:

Witness A claimed the crime took place on a lone hill, at a lone house, with a lone tree next to it and that he saw the accused at the scene. Underneath is the picture he painted to the court.

Ek wys albei fotos met hulle gepaardgaande Google maps street view, sien opmerkings onder fotos.

Foto 1 met wat getuie 1 gesien het

Street View Oct 2010 – sien blokkie bo links op foto

Foto 2 met wat getuie 2 gesien het

Counsel: So you couldn’t see trees behind the house?
Witness 2: No, I mean yes I could see trees, there were trees all over the place behind the house next to the house – all over.

Street View OCT 2010 staan baie klein regs onder in foto

In die 7 jaar sedert Google hulle fotos geneem het Toweropstal helaas agteruit gegaan. Met versorging kon dit toe nog ‘n funksionele opstal gewees het, maar het ondertussen is van die mure uitgeslaan en het dit die status van murasie bereik – wat dit natuurlik laat toeneem in waarde vanuit ‘n fotograaf se oogpunt.

Invalshoek 1

Op die street view foto kan mooi gesien word dat Towerpostal op ‘n heuwel geleë is. Daar is wel bome direk agter die huis maar aangesien hulle aan die onderkant van die heuwel is kan hulle glad nie gesien word nie en buitendien die bome agter Toweropstal op foto 2 is mos direk agter die huis?

Invalshoek 2

Dit wat getuie 2 gesien het was die bome wat met die stippelyn aangedui word. Dit is moeilik om te glo want dit lyk asof dit naby die huis is en net ‘n entjie weg van “Lone Tree” maar soos die lugfoto (wat in 2014 geneem is) aandui is daar behalwe vir die “Lone Tree” nie bome naby die huis nie. Die kameralens maar veral die feit daar daar ‘n afwaartse helling is tussen die huis en die bome veroorsaak dat die bome baie nader lyk. In die weermag was dit deel van ons opleiding om in ag te neem dat wanneer daar ‘n kloof is tussen jou en dit wat jy oorkant die kloof sien, dit oorkant jou baie nader blyk te wees as wat dit in werklikheid is. Iets wat onsinnig of onmoontlik blyk te wees maak wel sin.

Klik gerus op die skakel hieronder wat jou na die lugfoto sal neem en dan kan jy sien hoe naby Skimmelkrans stasie, die lughawe en die see is (en hoe vêr die bank is!).

https://www.google.co.za/maps/@-34.0279641,22.3767357,1113a,35y,331.46h/data=!3m1!1e3

Die heuwel laat my ook aan ‘n ander heuwel dink. Dit wat daar gebeur het, het nog vir die dissipels of die Romeinse soldate sin gemaak. Uit die lewenshoek waaruit hulle gekyk het die opmerkings van die Fariseers sin gemaak:

Ander het hy gered, maar homself kan hy nie red nie. Hy is mos die koning van Israel! Laat hy nou van die kruis afkom en ons sal in hom glo. Hy het op God vertrou; laat God hom nou red as Hy dan behae in hom het. Hy het immers gesê hy is die Seun van God!” Matt. 27: 42,43

Maar aan die kruis het Chrsitus met sy liggaam wat uitmekaar geslaan is, ‘n murasie van wat Hy was, vir gewone mense direkte toegang tot God verseker.

Jesus het weer hard uitgeroep en die laaste asem uitgeblaas. Op daardie oomblik het die voorhangsel van die tempel van bo tot onder middeldeur geskeur. Matt. 27: 50,51

Ja die invalshoek waarmee mens na Christus kyk maak nogal ‘n verskil

Die boodskap van die kruis van Christus is wel onsin vir dié wat verlore gaan, maar vir ons wat gered word, is dit die krag van God 1 Korintiërs 1:18

Geseënde Paasfees

---

http://www.inlinkz.com/new/view.php?id=769965

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).