“Ons is op die oomblik in die Van Zyl-saal. Die dak hierbo is sowat 20 meter dik. Dit beteken egter nie dat die dak nie inmekaar sal stort nie – dit beteken bloot dat julle redelik plat gaan wees indien dit wel inmekaar stort…”
Ek was seker nie die mees gerustellende gids wat daar al was nie, maar het hopelik ‘n glimlag by grot-ervaring gevoeg. Daar was natuurlik die standaard stories wat ons voorgangers ons geleer het, maar daar is ook die opmerkings wat ontwikkel is, soos wat ‘n gids vertroud raak met die grotte.
As deel van die ervaring het ons altyd die ligte vir ‘n paar sekondes afgesit in die Van Zyl saal om vir mense te wys hoe donker dit was toe boer van Zyl met sy kers daar ingekom het. Soms terwyl die ligte af was sou ons vir die mense sê: “please put up your right hand”, en dan die ligte aanskakel. “See many hands make light work” – onthou dit as Eskom weer ons ligte sou verdoof.
Sommige gidse het altyd by die script gebly, glad nie geïmproviseer en alles direk vertaal; eers in Engels en dan in Afrikaans. Dit het veroorsaak dat een van die gidse ‘n ongemaklikheid beleef het toe hy meganies herhaal het en in die 2de saal onnadenkend verklaar het: you are now in the Botha hall – u is nou in Botha se hol…!
Maar laat ek nou nie maak asof ek die perfekte gids was, sonder enige probleme met o.a. die taal saam nie. Die eerste keer toe ek in Engels wou verwys na die formasie agter die groep, blaker ek uit: “and towards your backside…”.
Ons het altyd bevestig as iemand ongemaklik voel hulle ter enige tyd die wit ligte terug na die ingang van die grotte kan volg. Op een van die toere kry ek ‘n groep “army ouens” van Infanterie skool en in my gesprekke met hulle kom ek agter dat hulle pas offisiere geword het – een ster luitenante. Die realiteit is jy suffer om daar uit te kom maar wanneer jy daar uitkom, dink so ‘n army ou dat hy ‘n generaal is en dat die son uit sy uh… saal skyn.
In wat ons King Solomon’s mine genoem het is daar ‘n formasie wat lyk soos 2 volstruise teen die dak. Dit is gewoonlik nie deel van die toer nie, maar vandag pas ek die toer aan ter ere van my gaste. Ek noem aan die luitenant-generale, dat hier eenmaal 2 volstruise vanaf Infanterieskool op ‘n toer gekom het, maar na ‘n ruk kry hulle skielik engtevrees en wil met alle mag en geweld uit die grot uitkom. “Tot ons verbasing begin hulle te vlieg en daar bo in my flitslig kan julle steeds sien hoe hulle hier probeer uitkom. Hulle was van Infanterieskool, want as hulle nie van Infanterieskool was nie, sou hulle intelligent genoeg gewees het om die wit ligte terug na die ingang van die grotte te volg…”.
My kennis oor die grotte het natuurlik toegeneem soos wat ek langer daar gewerk het. Ek het die mense beïndruk met my kennis oor die presiese ouderdom van die formasies in die grotte. “Die gevriesde waterval hier bo u is een miljoen en 2 jaar oud. Ek werk nou 2 jaar by die grotte en toe ek hier begin werk het het hulle vir my gesê dit is een miljoen jaar oud”.
Wat die formasies aanbetref kry ‘n mens stalagmiete wat vorm wanneer water tot op die vloer drup en dit groei dus boontoe. Cleopatra se naald in die van Zyl-saal is die beste voorbeeld hiervan. Stalagtiete daarteenoor vorm van bo af en enige gids moet die verskil ken en die maklikste is om te onthou is dat die laaste 2 lettergrepe van stalagtiete hang! Maar daar is hoop vir die wat hang, want helektiete groei in enige rigting selfs opwaarts. In Kango 3 is die pragtigste aktiewe helektiete (maar daardie blog kom later).
By die Lumbago Alley (rumatiektonnel) het ek die mense gewaarsku oor die gevare wat voorlê: “Please be very careful, do not bump your heads, being a national monument, we do not want you to damage the cave…”. Die Rumatiektonnel is sowat 50 meter lank en mens moet heeltyd gebukkend daardeur beweeg. Aan die einde daarvan word dit geleidelik hoër. Vir een of ander rede besluit ek op die einde daarvan om te spring en my kop tref ‘n stalagtiet met 7 steke die gevolg . Die toeriste was nogal geskok toe hulle om die draai kom en sien hulle gids bloei dood; tissues is in oormaat aangebied.
Ek mis nogal my tyd in die Kangogrotte – interkasie met mense van regoor die wêreld, in die wete dat hulle dit geniet. Wanneer jy binne in ‘n berg soos hierdie is raak jy egter soms afgestomp teenoor die skoonheid om jou, soortgelyk aan mense wat langs die see, teen ‘n berg of in ‘n natuur-reservaat woon. Maar nog tragieser, dit kan gebeur dat jy nie die skoonheid in mense om jou of jouself raaksien nie. Anders as ek, raak die Here nie afgestomp teenoor my nie en al sou ek ook op ‘n plek wees (in die heelal of in my persoonlike lewe) wat objektief nie mooi geag kan word nie, maak Hy weer my oë oop sodat ek anders kan fokus.
Prys die Here van die aarde af, seediere en al die oseane, weerlig en hael, sneeu en miswolke, stormwind wat sy opdrag gehoorsaam, berge, al die heuwels, vrugtebome, al die seders, wilde diere, al die vee, al wat kruip of vlieg, konings van die aarde, alle volke, vorste, alle regeerders van die aarde, jong manne en meisies, grysaards saam met seuns! Psalm 148: 7-12
- Ek koppel dikwels ‘n lied aan ‘n blog en hierdie keer het “Net ek” my die besonderse voorreg aangedoen om dit vir my te doen:
https://neteknogsteeds.wordpress.com/2016/07/06/oor-abrie-en-sy-grotte-en-chris-chameleon/
“Anders as ek, raak die Here nie afgestomp teenoor my nie…” – so waar!
Wens so ek kon die grotte besoek, maar ek is bevrees ek sal nie eers die eerste 5m maak nie! Die foto’s is PRAGTIG!
LikeLike
Baie dankie vir jou post hieroor! Dit is inspirerend om te weet dat dit jou aan die video laat dink. Die inhoud van die video sluit ook aan by die slot van die blog!
LikeLiked by 1 person
Presies!
Dis juis dit, en die grotte wat my aan die video herinner het!
LikeLiked by 1 person
En terloops as dit regtig “Abrie se grotte” was het ek al die blog mense bymekaar gekry en het ons ‘n groot fees binne in die grotte gehou ;). Maar dit is darem “Abrie se herrineringe”. En dit is wat blog vir my so lekker maak. Die uiting gee aan ‘n kombinasie van herrineringe en ander dinge wat mens in die proses aan dink waaroor mens nie noodwendig sou gedink het nie.
LikeLiked by 1 person
Pragtige fotos en jy is ‘n wonderlike toergids – humor sou my dalk ook deur die grotte kon gekry het! Miskien darem nou nie deur Botha se hol nie.
LikeLiked by 1 person
Ek sien dat vir een of ander rede my kommentaar aan jou in isolasie teenoor niemand se naam beland het en dink nie jy sou dit gesien het nie:
🙂 sal dit ook nie probeer nie Hester!
Ja ons almal het mislukkings in die lewe maar ek dink (sonder om arrogant te wil klink) dat gids-wees nie een daarvan was nie. My opmerking laat my ongelukkig ook dink aan die mense wat sê: ek wil nou nie skinder nie – en dan skinder hulle!
LikeLike
😀 Ja, maar ‘n mens moet ook jou eie waarde besef. In die werksomgewing het ons altyd gesê “ons moet onsself verkoop, anders word die bonusse uitgedeel aan die saamryers en ons werkers kry niks!”. Skinder voort – as jy goed is, is jy goed.
LikeLike
Die foto’s is besonders!
….u is nou in Botha se hol…! – bawhaaaa, lekker lag ek
LikeLike
Dankie. En ja iemand het mooi fotos geneem daarvan
LikeLike
Dit was nou n lekker besoek aan die grotte met jou as gids. Kan my die prentjie mooi voorstel. Jy klink vir my n man so na my hart. Ek sê nog altyd: die mens wik(wat baie maal die verkeerde oplewer) maar God beskik(wat nooit verkeerd is nie!)
LikeLike
Bly Scrapydo het saam met my getoer. Het nogal gedink dit sal lekker wees om die blog mense op toer te neem (maar nou het ek mos 😉 Dankie vir die kompliment.
LikeLike
Was beslis n heerlike toer gewees.
LikeLiked by 1 person
En vir my ook en soortgelyk aan destyds het ek mense van reg oor die wereld op my toer gehad met die verskil dat hulle op die Afrikaanse toer was. Dit is nogal ‘n aanduiding van hoe ons wereld verander het! Neem julle een of ander tyd weer op ‘n toer.
LikeLike
Dis baie mooi en ek het die humor geniet. Ek mis daai deel van die wêreld.
LikeLike
Dankie Christina kom kuier in Suid-Afrika en ek kry dalk gereel om julle vir toer te neem :). Dit sal nogal nostalgies vir my wees soos wat die blog toer was. Neem julle in die toekoms vir nog 1 of 2 Kango toere
LikeLiked by 1 person
Ek sal baie graag op een van ons besoeke weer in die Klein Karoo ‘n draai wil maak. In die tussentyd sal ek jou virtuele toere geniet. (My volgende besoek gaan ‘n blitsvinnige een wees – net 5 dae in die Kaap aan die einde van die maand – so ongelukkig geen tyd vir iets anders nie.)
LikeLiked by 1 person
Ek kan net dink wat ‘n fees jy as gids sou wees. Ek geniet jou humor, ek weet, ek het dit al gesê.
LikeLike
Baie dankie Toortsie ek waardeer die opmerking. Ek raak ook mos nou ouer en my korttermyn geheue is op pad uit, so jy mag maar herhaal 🙂
Hierdie blogs is sekerlik ‘n manier om mens se brein eb geheue op te skerp!
LikeLiked by 1 person
Jy laat my dink aan die ou oom wat nie kan verstaan hoekom sy vrou dikmond is omdat hy nie vir haar sê hy is lief vir haar nie. Hy hét dit mos 40 jaar terug gesê, vir wat wil sy dit aanmekaar hoor?
LikeLike
Ek wens werklik ek het jou as toergids deur daardie grotte gehad….. dan het ek miskien verder gevorder as om met my “backside” op ‘n klip te sit en wag.
LikeLike
Ai jy was seker op die toer toe ek verwys het na “and towards your backside”
LikeLiked by 1 person
Moet wees, hoekom anders sou ek die groot begeerte gekry het om te gaan sit :lol:7
LikeLiked by 1 person
Pragtig,Abrie!Ek was al daar en toe stamp ons gids sy kop en moes steke kry!!😳😄
LikeLiked by 1 person
Dankie vir die tissues wat jy vir my gegee het 😉
LikeLiked by 1 person
Hehe!Plesier hoor.
LikeLike
My man probeer al hoe lank om my so ver te kry dat ek net gaan “loer” na die grotte maak ek is te bang. Na ek hierdie gelees het wen my nuuskierigheid die bang. Ek sal nou moet gaan loer
LikeLike
Baie bly dat ek jou man so ‘n guns kon aandoen. Behalwe nou vir die rumatiektonnel wat ek hier beskryf en die begin van “Adventure tour”gedeelte is hoef jy glad nie eers te buk nie. Oor die nou gedeeltes wat aan einde van grot is blog ek oor in
https://abriejoubert.wordpress.com/2016/06/17/die-mooi-jong-amerikaanse-dokter-die-rugbesering-en-die-kangogrotte/
Jy hoef nie op die Adventure tour te gaan nie, maar dan hasies is mos nie bang vir tonnels nie 🙂 Dankie dat jy kom inloer het!
LikeLike
Hi Abrie. Baie mooi blog wat ek ontdek het. Ek was nog nooit in die Kango-grotte nie. E-Pos my asseblief. Ons het baie om in te haal. neelsjanse@gmail.com Groete daar!
LikeLiked by 1 person