A lion, a tiger, a cheetah and a leopard

• The post underneath is in my home language Afrikaans but you will certainly understand the photographs
• To access the WordPress photo challenges (which are in English) click here
• To access my other English posts not related to WPC click here

---

Die Wesp (dit is nou Dina Perdebytjie) het mos gaan rondvlinder in Kaokaland met al die pragtige fotos van byvoorbeeld die ou grotes wat sy daar afgeneem het en wat maar ‘n breukdeel is van die wonderlike fotos wat sy al voorheen geplaas het. Die realiteit is dat daardie wesp benydenswaardig is (maar dit maak glad nie saak nie want sy inspireer ons). Maar ek wonder of sy al tiere afgeneem het? Hierdie tiere tel egter nie – hulle is geblik.

Ek het gemengde gevoelens oor jag en is bepaald teen geblikte jag, maar hierdie diere word darem nie geblik vir jag nie. Die diere is afgeneem by die Big Cats Park by Vredenheim wynplaas.  Die diere word baie goed versorg en het baie groot hokke, maar is uit die aard van die saak nie in die natuur nie. Hulle word hoenders gevoer (ek hoop nie die hoenders wat nie geëet word beland op die spyskaart nie)!!

Die dowwe plekke op die fotos is waar ek deur drade die katte afgeneem het. Ek het selfs vergeet dat ek al luiperds afgeneem het. Verlede week se griffel oor my vrou en my span by die werk se reaksie het my laat besef dat daar ‘n sameloping van omstandighede en belangstellings is. Die onthaal van my en Susan se troue 20 jaar gelede was op die wynplaas Vredenheim buite Stellenbosch. Verlede jaar was my span by die werk se jaareindfunksie ook by Vredenheim.

Kom ‘n bietjie nader dan hou ons ‘n piekniek…

Been lek lekker

Daar word heerlik gekuier en geëet (aan o.a. hoendergeregte) by Hudsons restaurant op Vredenheim wynplaas